“Peşəkar futbolçunun belə, maddi marağı olur”
“Əfsuslar olsun ki, 2012-ci ildə AEK klubundakı vəziyyət heç də xoş deyildi. Həmin vaxt klubda maliyyə böhranı var idi. Buna görə də, Azərbaycana köçməli olmuşdum”.
“Qafqazinfo” Apasport.az-a istinadən xəbər verir ki, bu sözləri yunanıstanlı hücumçu Dimitris Sialmas deyib.
Ölkəsinin mətbuatına geniş müsahibə verən 30 yaşlı futbolçu söhbət əsnasında Azərbaycandakı karyerasını da yada salıb.
2012/2013 mövsümündə “Xəzər Lənkəran”ın formasını geyinmiş Sialmas həmin vaxt AEK-dən daha çox pul qazanmaq məqsədilə ayrıldığını etiraf edib: “O vaxtdan bəri haqqımda çox şeylər yazılıb. İstəyirəm ki, AEK-in fanatı olduğumu hər kəs bilsin. Problemlərə rəğmən, həmin il komanda üçün uğurlu alınmışdı. AEK-dən sonra başqa ölkəyə yollandım. Azərbaycanda qazandığım pullar Yunanıstan futbolunda heç vaxt olmayacaq. Bəlkə də, ora getməklə səhv addım atdım, qalıb, AEK-ə kömək etməli idim. Həmin vaxt qərar vermək mənim üçün çətin idi. Çünki hər peşəkar futbolçunun belə, maddi marağı olur”.
Qeyd edək ki, Sialmas hazırda karyerasını İsveçin “Akropolis” klubunda davam etdirir.
Son Xəbərlər
- 1
- 2
- 3
- 4
- 5
- 6
