Yevlaxda polis əməkdaşı həlak olub.
“Qafqazinfo”nun məlumatına görə, hadisə bu gün səhər saat 7:00 radələrində baş verib.
DİN-in Mətbuat Xidmətindən saytımıza bildirilib ki, Yevlax Rayon Polis Şöbəsinin əməkdaşı, polis serjantı Kamran Məmmədov təlimə gedərkən rayon ərazisində baş vermiş yol-nəqliyyat hadisəsı nəticəsində həlak olub.
Faktla bağlı araşdırma aparılır.
***
Yevlaxda polis maşını Kür çayına düşüb.
“Qafqazinfo” Unikal.org-a istinadən xəbər verir ki, hadisə Kür çayı üzərində yerləşən köhnə körpü üzərində baş verib.
Xidmət yerinə gedən polis maşını idarəetmədən çıxaraq körpüdən Kür çayına düşüb. Qəza zamanı maşında 4 polis əməkdaşı olub. 1996-cı il təvəllüdlü Əsədov Süleyman Təyyar oğlu, 1997-ci il təvəllüdlü Həsənov Səfər Tariyel oğlu və 2001-ci il təvəllüdlü Elgün Mehmanoğlu batan maşından sağ qurtularaq sahilə çıxarılıb.
1996-cı il təvəllüdlü Məmmədov Kamran Azər oğlu isə çayda batıb. Onun axtarışlarına hazırda dalğıc axtarış qrupu cəlb olunub.
Amin Nəzərli