Xəbər verdiyimiz kimi, bu gün Azərbaycan Prezidenti, Silahlı Qüvvələrin Ali Baş Komandanı İlham Əliyev və xanımı, Birinci vitse-prezident Mehriban Əliyeva işğaldan azad olunmuş torpaqlara səfər edib.
“Qafqazinfo” xəbər verir ki, səfər çərçivəsində Prezident və xanımı Şuşada Yuxarı Gövhərağa məscidini ziyarət ediblər.
27 sentyabr - Anım Günü həyata keçirilən səfər zamanı Prezident və xanımı Yuxarı Gövhərağa məscidində torpaqlarımızın işğaldan azad olunması uğrunda canından keçərək şəhidlik zirvəsinə ucalan qəhrəmanların ruhuna dualar ediblər.