Putin Türkiyəyə nə vaxt səfər edəcək?

putin-turkiyeye-ne-vaxt-sefer-edecek
Oxunma sayı: 1613

Rusiya Prezidenti Vladimir Putinin Türkiyəyə səfəri fevral ayının ikinci yarısında baş tuta bilər.

“Qafqazinfo” xəbər verir ki, bu barədə məlumatı “A haber” telekanalı yayıb.

Məlumata görə, Putinin Türkiyəyə səfərinin dəqiq tarixi Çində keçirilən Qış Olimpiadasından sonra məlum olacaq.

Xatırladaq ki, Türkiyə Prezidenti Rəcəb Tayyib Ərdoğan Putini ölkəsinə səfərə dəvət edib. Bu dəvətdən sonra Rusiya Prezidentinin mətbuat katibi Dmitri Peskov açıqlama verərək qeyd edib ki, Putin Prezidentlərin qrafiki və epidemioloji vəziyyət imkan verən kimi Türkiyəyə səfər edəcək.