“Qadınların fəhlə bazarı” ilə bağlı daha bir açıqlama

“Qadınların fəhlə bazarı” ilə bağlı daha bir açıqlama
Oxunma sayı: 1745

“Bakının Maştağa qəsəbəsindəki ərazidə gündəlik qazanc müqabilində işçi xidmətləri təklif edən qadınların hər biri ilə daimi işlərlə təmin edilmələrinə köməklik üçün söhbət aparılıb”.

“Qafqazinfo” xəbər verir ki, bu barədə Əmək və Əhalinin Sosial Müdafiəsi Nazirliyinin Mətbuat xidmətinin rəhbəri  Fazil Talıbov feysbukda yazıb. Qurum sözçüsü qeyd edib ki, həmin xanımlara istər ödənişli ictimai işlər proqramı əsasında, istərsə müxtəlif müəssisələrdə vakant iş yerlərində göndəriş əsasında işləmək təklif olunub: “Onlara bildirildi ki, çalışacaqları iş yerlərində əmək haqları, digər ailə gəlirləri ailə ehtiyaclarına yetərli olmayacağı təqdirdə ünvanlı dövlət sosial yardımı almaq üçün müraciət də edə bilərlər.

Müxtəlif KİV-lərə müsahibələrində daimi iş tapmaqda çətinlik çəkdikləri üçün məcbur qalıb günəmuzd işlərə getdiklərini, bu işlərlə çox az qazanc əldə etdiklərini, hətta bəzi günlər heç bir gəlirləri olmadığını bildirsələr də, xanımlar bizə yalnız aylıq 600-1000 manat maaş müqabilində işləyə biləcəkləri şərtini ifadə etdilər. Hazırda onların münasib işlərlə təmin edilmələri, bir qisminin yaşadıqları ərazi üzrə özünüməşğulluq proqramına cəlb olunmaları üçün işlər davam etdirilir”.

Qeyd edək ki, bir neçə gün əvvəl mətbuatda Maştağa qəsəbəsində qadınların məcbur qalıb günəmuzd işə getdikləriylə bağlı reportaj yayımlanmışdı.
 
Günel Türksoy


Daha tez məlumatlanmaq üçün yeni Facebook səhifəmizi