Bu gün Çempionlar Liqasının 3-cü təsnifat mərhələsinə start veriləcək.

“Qafqazinfo” xəbər verir ki, Azərbaycan çempionu “Qarabağ” da bu mərhələdəki ilk oyununu keçirəcək.

Qurban Qurbanovun rəhbərlik etdiyi kollektiv pley-offa vəsiqə uğrunda Bolqarıstan çempionu “Ludoqorets”lə mübarizə aparacaq. Bu komandaların ilk oyunu Bakıdakı Tofiq Bəhramov adına Respublika stadionunda keçiriləcək.

Cavab qarşılaşması avqustun 13-də Bolqarıstanda keçiriləcək.

Çempionlar Liqası
3-cü təsnifat mərhələsi, ilk oyun
6 avqust

“Qarabağ” – “Ludoqorets”
Baş hakim: Urs Schnyder
Baş hakimin köməkçiləri: Marco Zürcher, Benjamin Zürcher
Dördüncü hakim: Sven Wolfensberger
VAR hakimləri: Fedayi San, Johannes von Mandach
(Hakimlər briqadası İsveçrədəndir)
Tofiq Bəhramov adına Respublika stadionu. Saat 20:00.

***

UEFA Çempionlar Liqasının 3-cü təsnifat mərhələsində bu gün baş tutacaq “Qarabağ” – “Ludoqorets” (Bolqarıstan) matçının start heyətləri açıqlanıb.

“Qafqazinfo” xəbər verir ki, Tofiq Bəhramov adına Respublika stadionuna keçiriləcək matç saat 20:00-da başlayacaq.

Komandalar aşağıdakı heyətlə çıxacaqlar:

“Qarabağ”: Fabian Buntiç, Marko Veşoviç, Bəhlul Mustafazadə, Kevin Medina, Toral Bayramov, Julio Romao, Marko Yankoviç, Leandro Andrade, Yassin Benzia, Abdullah Zubir, Juninyo

“Ludoqorets”: Hendrik Bonmann, Anton Nedyalkov, Olivye Verdon, Diniş Almeyda, Son, Pedro Naressi, Deroy Duarte, Yakub Pyotrovski, Kayo Vidal, Dua Kvadvo, Bernard Tekpetey

***

Matç başladı.

***

İlk hissə qolsuz başa çatdı.

***

İkinci hissə başladı.

***

56-cı dəqiqə qonaqlar hesabı açır. Dinis Almedia fərqlənir.

***

“Qarabağ”dan cavab qolu. 65-ci dəqiqədə Olaviyo Juninyo hesabı bərabərləşdirir.

***

“Ludoqorets” 87-ci dəqiqədə yenidən hesabda önə keçir. Kayo Vidal topu təmsilçimizin qapısından keçirir.

***

Matç başa çatdı.