Qazaxıstan Prezidenti Kasım-Jomart Tokayev iyunun 5-də Konstitusiyaya əlavə və dəyişikliklərlə bağlı referendumun keçirilməsi haqqında fərman imzalayıb.
“Qafqazinfo” xəbər verir ki, bu barədə Qazaxıstan dövlət başçısının saytında xəbər yayılıb.
Aprelin 29-da Tokayev Qazaxıstan Xalqları Assambleyasının sessiyasında ölkənin siyasi sisteminin modernləşdirilməsi və demokratikləşdirilməsinə yönəlmiş Konstitusiyaya əlavə və dəyişikliklərlə bağlı məsələnin ümumxalq referenduma çıxarılmasını təklif edib.
“Qazaxıstan Respublikası Konstitusiyasının 91-ci maddəsinin 1-ci bəndinə və “Respublika referendumu haqqında” Qazaxıstan Respublikasının Konstitusiya Qanununun 18-ci maddəsinə uyğun olaraq, 2022-ci il iyunun 5-də respublika referendumunun keçirilməsi barədə qərar qəbul edirəm”, - Tokayevin sərəncamının mətnində deyilir.