Qazi Universitetinin rektoru ADİU-da
Universitetdən “Qafqazinfo”ya daxil olan məlumata görə, qonaqlar əvvəlcə universitetin MBA, İngilis Dilində Tədris Mərkəzi, “SABAH” Mərkəzi və İnnovativ Biznes İnkubatoru ilə tanış olub, dərslərdə iştirak ediblər.
Sonra ali təhsil ocağının professor-müəllim heyəti ilə görüş keçirilib. ADİU-nun rektoru, professor Ədalət Muradov qonaqları salamlayaraq, onları bu təhsil ocağında görməkdən məmnun olduğunu bildirib. S.Büyükberber Qazi Universiteti haqqında ətraflı məlumat verərək, bildirib ki, əsası 1926-cı ildə qoyulan ali təhsil ocağı tələbə sayına görə Türkiyənin ən böyük universitetidir.
Görüşdən sonra rektorlar iki universitet arasında əlaqələrin inkişaf etdirilməsi məsələlərini müzakirə ediblər. Görüşdə ADİU-nun Türk Dünyası İşlətmə fakültəsində magistratura pilləsi üzrə Qazi Universiteti ilə birgə ikili diplom proqramlarının açılması, yüksək ixtisaslı elmi-pedaqoji kadrların birgə hazırlanması və müəllim-tələbə mübadiləsinin həyata keçirilməsi üzrə qarşılıqlı razılıq əldə edilib.
Son Xəbərlər
- 1
- 2
- 3
- 4
- 5
- 6
