“Qəbələ” oyununun hakimi bəlli oldu
Avropa Liqasının birinci təsnifat mərhələsinin ilk oyunları çərçivəsində keçiriləcək “Qəbələ” – “Samtredia” (Gürcüstan) matçını belaruslu referi Denis Şerbakov idarə edəcək.
“Qafqazinfo” xəbər verir ki, Şerabkov avrokuboklarda klublarımızın yalnız 1 oyununu idarə edib. 2014-cü ildə keçirilən "Neftçi" - "Koper" matçında baş hakim olan belaruslu referi "Neftçi"nin 3, "Koper"in 2 futbolçusuna sarı vərəqə göstərib. Oyun isə "Koper"in 2:1 hesablı qələbəsi ilə başa çatmışdı.
Bundan əlavə, belaruslu hakim 21 yaşadək futbolçuların AÇ-2017-nin seçmə mərhələsində ötən ilin sentyabrında keçirilən Azərbaycan - Avstriya oyununu da idarə edib. Şerbakov bu matçda yığmamızın qapısına penalti də təyin edib. Oyunda isə Avstriya yığması 2:0 hesabı ilə qalib gəlib. Referi bu oyunda millimizin 2 futbolçusuna sarı vərəqə göstərib.
Son Xəbərlər
- 1
- 2
- 3
- 4
- 5
- 6
