Qəçrəşdə su borusu partladı, ətrafı su basdı - Video - Yenilənib
Quba rayonunun Qəçrəş kəndi ərazisində su borusu partlayıb.
“Qafqazinfo” xəbər verir ki, bununla bağlı görüntülər sosial şəbəkələrdə yayılıb.
Görüntülərdə borudan suyun yüksək təzyiqlə axdığı, ətraf ərazilərə və avtomobil yoluna yayıldığı görünür.
Məsələ ilə bağlı Azərbaycan Dövlət Su Ehtiyatları Agentliyi ilə əlaqə saxladıq. Qurumdan sorğumuza cavab olaraq bildirildi ki, hazırda problemin aradan qaldırılması ilə bağlı iş görülür: “Qəçrəşi içməli su ilə təmin edən kəmərdə qəza baş verib. Hazırda Regional Sukanal İdarəsinin əməkdaşları ərazidədir və orada iş gedir”.
***
Dövlət Su Ehtiyatları Agentliyindən saytımıza bildirilib ki, artıq Qəçrəş kəndində su borusunda baş vermiş qəza aradan qaldırılıb.
Gülnar Əliyeva
Son Xəbərlər
- 1
- 2
- 3
- 4
- 5
- 6
