Qəfildən pandemiya düşdü, bütün dünya Çin oldu...
Azərbaycanın istedadlı şairi, “Ulduz” jurnalının baş redaktoru Qulu Ağsəs koronavirus pandemiyasına daha bir şeir həsr edib. O, həmin şeirini “Qafqazinfo”ya göndərib.
Sözügedən şeiri oxuculara təqdim edirik:
Sizə kimdən danışım –
tək qadından
gül ağzını açmırdı
dişlərinin ucbatından.
Çoxundan kəsdi,
azından kəsdi,
bir əliydi, bir boğazı
boğazından kəsdi,
dişlərini düzəltdirdı –
elə ki əlinə maya düşdü,
aylarla gördüyü röya çin oldu,
qəfildən pandemiya düşdü
bütün dünya Çin oldu...
Dözmədi,
gül ağzını açıb çıxdı evdən –
bir o idi yer üzündə,
bir də taclı mələkdi!
Baxışdılar,
ikisi də qəh-qəhə çəkdi...
Son Xəbərlər
- 1
- 2
- 3
- 4
- 5
- 6
