Qərb Suriyadakı seçkiləri azad hesab etməkdən imtina etdi
ABŞ, Böyük Britaniya, Fransa, Almaniya və İtaliya Suriyadakı seçkiləri azad və ədalətli hesab etməkdən imtina edib və beynəlxalq ictimaiyyəti onları tanımamağa çağırıb.
“Qafqazinfo” “RİA Novosti”yə istinadən xəbər verir ki, bu barədə beş ölkənin XİN başçılarının birgə bəyanatında deyilir.
“Biz - Fransa, Almaniya, İtaliya, Böyük Britaniya və ABŞ-ın xarici işlər nazirləri aydın şəkildə bəyan etmək istəyirik ki, mayın 26-da Suriyada keçiriləcək prezident seçkiləri nə azad, nə də ədalətlidir”, - xarici işlər nazirləri vurğulayıb.
Bəyanatda deyilir ki, ABŞ, Böyük Britaniya, Fransa, Almaniya və İtaliya suriyalıları, vətəndaş cəmiyyəti təşkilatlarını və Suriya müxalifətini dəstəkləyir, hansılar ki, həmçinin seçkilərin qanunsuz olduğunu bəyan edirlər. XİN başçıları, həmçinin qeyd ediblər ki, seçki prosesini etibarlı etmək lazımdır, bundan ötrü isə ölkədə bütün vətəndaşların, o cümlədən məcburi köçkünlər, qaçqınlar və diaspor üzvlərinin seçkilərdə iştirakına imkan vermək və onlar üçün təhlükəsiz şərait yaratmaq lazımdır.
Qeyd edək ki, Suriyada prezident seçkiləri mayın 26-sı saat 07:00-dan 19:00-dək 10 mindən çox seçki məntəqəsində keçiriləcək.
Son Xəbərlər
- 1
- 2
- 3
- 4
- 5
- 6
