Qiqqz Bakı Olimpiya Stadionunda - Foto

Qiqqz Bakı Olimpiya Stadionunda
Oxunma sayı: 965

Avro-2020-nin A qrupunda Türkiyə və İsveçrə millilərinə qarşı oyunlarını Bakı Olimpiya Stadionunda keçirəcək Uels milli komandasının nümayəndələri Bakıda səfərdədir.

"Qafqazinfo" xəbər verir ki, baş məşqçi Rayan Qiqqz, Media və Marketinq meneceri İan Guiyn Hughes, Təhlükəsizlik departamentinin rəisi Grant Ashton Briggs və kit menecer David Tudor Griffithsin daxil olduğu nümayəndə heyəti fevralın 24-də stadionlara baxış keçirib, infrastrukturla yaxından tanış olub.

Bakı Olimpiya Stadionunda olduğu zamanı baş məşqçi R.Qiqqz bir sıra yerli klubların aşağı yaş qruplarından ibarət komandalarının futbolçularına avtoqraf verib, onlarla söhbət edib və xatirə şəkilləri çəkdirib.

Qeyd edək ki, Uels millisi iyunun 13-də İsveçrə, iyunun 17-də isə Türkiyə milli komandalarına qarşı oyunlarını Bakı Olimpiya Stadionunda keçirəcək.


Daha tez məlumatlanmaq üçün yeni Facebook səhifəmizi