Qohumlarını öldürüb qaçan şəxs saxlanıldı - Yenilənib

Qohumlarını öldürüb qaçan şəxs saxlanıldı
Oxunma sayı: 3391

Lənkəran rayon prokurorluğu baş verən qətllə bağlı məlumat yayıb. 

“Qafqazinfo”ya daxil olan məlumata görə, iyunun 23-ü saat 22 radələrində Lənkəran rayonu Havzava kənd sakinləri Elmar Fərəcov və Amil Mirzəzadənin ölmələri barədə rayon prokurorluğuna məlumat daxil olub.

Aparılmış ilkin araşdırmalarla zərərçəkmişlərin qohumu Seymur Şiriyevin şəxsi münasibətlər zəminində aralarında yaranmış münaqişə zamanı Elmar Fərəcov və Amil Mirzəzadəyə odlu silahdan atəş açmaqla onları qəsdən öldürməsinə əsaslı şübhələr müəyyən edilib.

Faktla bağlı Lənkəran rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanıb. 

Hazırda cinayəti törətmiş şəxsin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

***

Lənkəranda odlu silahla əmisi oğlunu və bibisi nəvəsini güllələyərək öldürən şəxs saxlanılıb.

"Qafqazinfo" APA-ya istinadən xəbər verir ki, axtarılan və qətlləri törədən Seymur Şiriyev əlində ov tüfəngi ilə birgə polis əməkdaşları tərəfindən saxlanılıb.

Hazırda onun ifadəsi alınır.