Qonşusunun evindən 10 min manatlıq oğurluq etdi

qonsusunun-evinden-10-min-manatliq-ogurluq-etdi
Oxunma sayı: 1754

Zaqatala rayonu Yuxarı Tala kəndi ərazisində yerləşən fərdi yaşayış evindən 10 min manat dəyərində istilik sistemləri oğurlanıb.

DİN-in Mətbuat Xidmətindən “Qafqazinfo”ya verilən məlumata görə, cinayəti törətməkdə şübhəli bilinən zərərçəkmişin qonşusu Nurlan Musayev saxlanılıb.

Müəyyən edilib ki, saxlanılan şəxs oğurladığı həmin cihazları Zaqatala və Bakı şəhərlərində istilik sistemlərinin satışı ilə məşğul olan bir neçə mağazaya satıb. Əldə etdiyi pulu isə öz əyləncəsi üçün xərcləyib.

Faktla bağlı cinayət işi başlanılıb, istintaq aparılır.