“Quaidonun həbsxanaya girəcəyi gün gələcək” - Maduro
Venesuela Prezidenti Nikolas Maduro müxalifət lideri Xuan Quaidonun gec-tez dəmir barmaqlıqlar arxasında olacağını bildirib.
“Qafqazinfo” xarici KİV-ə istinadən xəbər verir ki, bu barədə o, yerli telekanalların birindəki çıxışında deyib:
“Respublika məhkəmələri etdiyi cinayətlərə görə cənab Xuan Quaidonun həbs edilməsi haqda vəsatət verdiyi gün o, həbsxanaya girəcək. Həmin gün mütləq gələcək”.
Qeyd edək ki, 2019-cu il yanvarın 23-də Venesuelada siyasi böhran başlayıb. Quaido özünü qanunsuz olaraq dövlət başçısı elan edib. Maduro bunu dövlət çevrilişinə cəhd adlandıraraq bu işdə ABŞ-ı günahlandırıb və Amerika ilə əlaqələrə son qoyub.
Son Xəbərlər
- 1
- 2
- 3
- 4
- 5
- 6
