Qüdrət Qurbanov Londonda Assambleyanın sessiyasında iştirak etdi

Qüdrət Qurbanov  Londonda Assambleyanın sessiyasında iştirak etdi
Oxunma sayı: 768

Dövlət Dəniz Agentliyinin direktoru Qüdrət Qurbanovun rəhbərlik etdiyi nümayəndə heyəti baş qərargahı London şəhərində yerləşən BMT – nin nüfuzlu orqanı olan Beynəlxalq Dəniz Təşkilatının (BDT) Assambleyasının 31 – ci sessiyasında iştirak edib.

Agentliyin mətbuat xidmətindən “Qafqazinfo”ya daxil olan məlumata görə, sessiyada Assambleyanın prezidenti və vitse – prezidentləri vəzifələrinə seçkilər keçirilib. Seçkilərin nəticəsində Cənubi Afrika Respublikasının nümayəndəsi xanım Nomatemba Tambo Assambleyanın prezidenti, Koreya Respublikasının nümayəndəsi xanım Enna Park və Honduras Respublikasının nümayəndəsi cənab İvan Romero Martinez Assambleyanın vitse – prezidentləri seçiliblər.

Sessiyada beynəlxalq konvensiyaların statusu və təşkilata üzvlük barədə hesabat, təşkilatın komitələri tərəfindən təqdim edilən hesabatların, eləcə də Beynəlxalq Dəniz Təşkilatının təhsil mərkəzlərinin hesabatlarının dinlənilməsi, Assambleyanın komitələrinin təsis edilməsi, üzvlər arasında əməkdaşlıqların inkişaf etdirilməsi və digər məsələlərlə bağlı müzakirələr aparılıb.

Qüdrət Qurbanovun rəhbərlik etdiyi nümayəndə heyəti səfər çərçivəsində Beynəlxalq Dəniz Təşkilatının rəsmiləri, eləcə də Türkiyə Respublikasının Nəqliyyat və İnfrastruktur Naziri Cənab Məhməd Cahid Turxanla və Türkiyə nümayəndə heyətinin üzvləri ilə, Peru Respublikasının, Tailand Krallığının, Meksika Birləşmiş Ştatlarının, Birləşmiş Ərəb Əmirliklərinin, İspaniya Krallığının, Rusiya Federasiyasının və Səudiyyə Ərəbistanı Krallığının nümayəndə heyətləri ilə ikitərəfli görüşlər keçirib.

Beynəlxalq Dəniz Təşkilatına üzv olan 174 dövlətlə yanaşı, beynəlxalq təşkilatlardan müşahidəçilər və məşvərətçi statusla qeyri – hökumət təşkilatlarının nümayəndələri də iştirak etdiyi Assambleyanın 31-ci sessiyası zamanı 2020 -2021- ci illər üçün Beynəlxalq Dəniz Təşkilatının ali icra orqanı olan Şuranın üzvlüyünə seçkilər keçirilib. Seçkilərin nəticəsinə əsasən “A” kateqoriyası üzrə 10, “B” kateqoriyası üzrə 10 və  “C” kateqoriyası üzrə 20 dövlət olmaqla ümumilikdə 40 üzv dövlət 2020-2021-ci illər üçün Şuraya üzv seçiliblər.

Qeyd edək ki, Aassambleya zamanı Beynəlxalq Dəniz Təşkilatının “Dənizdə göstərilmiş xüsusi cəsarətə görə” mükafatının təqdimetmə mərasimi də keçirilib.




Daha tez məlumatlanmaq üçün yeni Facebook səhifəmizi