"Qafqazinfo" xәbәr verir ki, tәdbiri açılış sözü ilә PFL prezidenti Ramin Musayev açıb. 

O, növbәti mövsümün startından vә püşkatmadan danışıb: "Öncә jurnalistlәri Milli Mәtbuat Günü münasibәti ilә tәbrik edirәm. Komandalarımızdan Avropa Liqasında uğurlar gözlәyirәm. Çempionatın reqlamentindә dәyişiklik yoxdur. Komandaların transferlәri onu göstәrir ki, yerli futbolçulara maraq artıb. Çempionatın sәviyyәsi aşağı düşmәyәcәk. 

Çünki yerli futbolçular hәm milli komandaya düşmәk, hәm dә özlәrini göstәrmәk üçün mübarizә aparmaq lazımdır. Bir dә klub nümayәndәlәrindәn xahiş edirәm, "Kәpәz"in ilk oyunu öz evindә düşsә vә o hansı komandaya rәqib olsa, rәqibi ilk oyunu öz evindә keçirsin. Çünki Gәncә stadionunda tәmir gedir".

***

Daha sonra PFL prezidenti jurnalistlərin suallarını cavablandırıb: 

- Çempionatın yayımının satışı üçün niyә 1 milyon qoyulub?

- İstәyәn 5 milyon da verә bilәr. 10 komanda var. Ümid edirik ki, bu rәqәmi verәcәklәr.

- "Rәvan" lisenziya ala bilmәmişdi. Necә oldu ki, çempionata buraxıldı?

- "Simurq" bizә mәktub göndәrdi ki, biz çıxış edә bilmәyәcәyik. "Rәvan" isә mәktub göndәrib oynayacaqlarını bildirdi. Onlar lisenziya şәrtlәrini sentyabrın axırına qәdәr yerinә yetirәcәklәrini bildirib. Biz 9 komandalı çempionat keçirsәydik, hamı bizi biabr edәrdi.

- Topaz sponsorluqdan imtina etdi?

- Bәli. Sağ olsun mәtbuat nümayәndәlәri, Topazı da küsdürdülәr.

- Birinci divizionda başqa komanda yox idi ki, Premyer Liqada iştirak etsin?

- Biz bir ailәyik. Kimin nәyә qadir olduğunu bilirik.

- Ötәn mövsümki "Araz Naxçıvan" problemi sizә dәrs oldu?

- Bәli.

- "İnter"in vәziyyәti necә olacaq?

- Hazırda gördüyünüz kimi onlar normal çıxış edirlәr. İnanıram ki, hәr şey yaxşı olacaq.

- "Kәpәz"in stadionu yoxdur, onu niyә Premyer Liqaya buraxdız?

- Gәncәnin Elmar Vәliyev kimi icra hakimi var. Digәr icra hakimiyyәtlәrindәn fәrqli olaraq onun idmana marağı var. Burdan ona salam deyirәm. Hәm dә Gәncәdә uşaq doğulanda deyirlәr futbolçu dünyaya gәldi. Baxın hansı icra hakimiyyәtlәri komandalarla maraqlanır? Olanlara da dәymәyin. Öz adımdan vә AFFA rәhbәrliyi adından Elmar Vәliyevә tәşәkkür edirәm.

- Ötәn mövsüm klublar sәfәrә getmәyә avtobus tapmırdı. Bu ilә bütün klubların sona qәdәr bu problemi yaşamayacağının qarantiyası var?

- Çalışacağıq ki, heç bir problem olmasın. Qatarla gedәcәklәr (gülür).

Artıq klub rәhbәrlәri ayıldı. Onlar futbolçulara böyük pullar vermәyәcәklәr. Birdәn-birә 21 yaşlı uşaq 150-200 min pul alırdı. O özünә ev, maşın alırdı vә oynamaq istәmirdi. Fikrimiz, mәqsәdimiz yaxşıdır. Hәr şey yaxşı olacaq.