Qurban Qurbanov Çempionlar Liqasındakı rəqibindən danışdı
Çempionlar Liqasının ikinci təsnifat mərhələsində “Qarabağ”ın rəqibi Lüksemburq çempionu “Düdelanj” olub. “Qafqazinfo” xəbər verir ki, Ağdam klubunun baş məşqçisi Qurban Qurbanov püşkün nəticəsini klubun rəsmi saytına dəyərləndirib:
“İlk oyunlar hər zaman çətin olur. Ölkəsinin çempionu və kubokun qalibi olmuş komandanı zəif adlandırmaq olmaz. Çempionlar Liqasında istənilən ölkənin güclü komandası çıxış edir. Bu baxımdan da istənilən rəqiblə oynamaq bizim üçün çətin olacaq. Son zamanlar Lüksemburq futbolunda inkişaf göz qabağındadır, 14 komandalı çempionatları var və Lüksemburq çempionatında rəqabət də istənilən səviyyədədir. “Düdelanj” da ölkəsinin çempionatında uzun müddət məğlub olmayıb və daim qələbə qazanmaq üçün vuruşan bir komandadır. Ümumiyyətlə, bu rəqib bizim Çempionlar Liqasının bu mərhələsində qarşılaşdığımız güclü komandalardan biridir. Bizi çətin oyun gözləyir, potensial 5 rəqibdən qismətimizə “Düdelanj” düşdü. Bu gündən etibarən sırf bu oyun üçün hazırlaşmağa başlayacağıq”.
Son Xəbərlər
- 1
- 2
- 3
- 4
- 5
- 6
