Bu gün UEFA Çempionlar Liqasında yarımfinal mərhələsinin cavab oyunlarına start verilir.

“Qafqazinfo” xəbər verir ki, “Real” səfərdə 2:1 hesabı ilə qalib gəldiyi “Bavariya”nı öz meydanında qəbul edəcək.

İlk matçdakı hesaba görə İspaniya təmsilçisi üstün görünsə də, “Bavariya” finala çıxmaq üçün bütün imkanlarından istifadə etməyə çalışacaq.

1 may, saat 22:45

“Real” (İspaniya) – “Bavariya” (Almaniya)

Baş hakim: Cüneyt Çakır (Türkiyə)

***

"Bavariya" oyuna çox sürətli başlayıb və 3-cü dəqiqədə istəyinə nail olub. Kimmix "Bavariya"nı hesabda önə çıxarıb.

***

"Bavariya"nın üstünlüyü uzun çəkməyib. 11-ci dəqiqədə Benzema "Real"ın bərabərlik qoluna imza atıb.

***

İlk hissədə başqa qol vurulmayıb və tərəflər fasiləyə 1:1 hesablı bərabərliklə yollanıblar.

***

İlk hissənin əksinə olaraq ikinci hissəyə "Real" sürətli başlayıb. Hissənin start fiti çalınan kimi irəli atılan "Real" ikinci qolu vurub. Yenə Benzema fərqlənib - 2:1.

***

63-cü dəqiqədə hesab yenidən bərabərləşib. Xames Rodriges hesabı bərabərləşdirib. O, müqavilə ilə məxsus olduğu "Real"a qol vurduğu üçün qol sevincini yaşamayıb.

***

Matçın sonları daha gərgin keçib. Qol üçün irəli atılan "Bavariya" bütün cəhdlərə baxmayaraq qələbə qolunu vura bilməyib. Beləliklə, matç 2:2 hesabı ilə bitsə də, ümumi hesabda 4:3 qalib olan "Real" finala yüksəlib.