“Rəfaha atılan bombalar ABŞ-də hazırlanıb”

refaha-atilan-bombalar-abs-de-hazirlanib
Oxunma sayı: 1654

“İsrailin Rəfah düşərgəsinə endirdiyi bombalar ABŞ-də hazırlanıb”.

“Qafqazinfo” xəbər verir ki, bu barədə “The New York Times” (NYT) qəzeti yazıb.

Bildirilib ki, bu iddia, NYT və silah ekspertləri tərəfindən nəzərdən keçirilən əyani sübutlara istinad edir:

“Düşərgədə lentə alınan sursat qalıqları “GBU-39” bombasının qalıqlarıdır. Bu, ABŞ-də dizayn və istehsal edilən bombadır. ABŞ rəsmiləri İsraili bu tip bombaları istifadə etməyə sövq edib. Sözügedən bombaların isə mülki şəxslər arasında itkiləri azalda biləcəyi iddia edilir”.

Stokholm Beynəlxalq Sülh Araşdırmaları İnstitutunun (SIPRI) məlumatlarına görə, ABŞ uzun müddətdir İsrailə ən böyük silah tədarükçüsü olub və Qəzza hücumu ilə bağlı Bayden administrasiyasına artan siyasi təzyiqlərə baxmayaraq, bu, dəstək davam edir.