Rəhman Hümmətov polşalı həmkarı ilə görüşdü - Foto
Bu gün Azərbaycanın rəqəmsal inkişaf və nəqliyyat nazirinin müavini Rəhman Hümmətov ölkəmizdə səfərdə olan Polşanın infrastruktur nazirinin müavini Marek Grobarczyukun başçılıq etdiyi nümayəndə heyəti ilə görüşüb.
“Qafqazinfo” xəbər verir ki, görüşdə iki ölkə arasında nəqliyyat, o cümlədən dəmir yolu və dəniz nəqliyyatı sahəsində əməkdaşlıq imkanları müzakirə olunub.
Həmçinin Azərbaycan ilə Polşa arasında nəqliyyat və logistika üzrə işçi qrupunun bu ilin sentyabr ayında Bakı şəhərində keçirilməsi nəzərdə tutulan ikinci iclası barədə fikir mübadiləsi aparılıb.
Bundan əlavə, görüş zamanı “Bakı Beynəlxalq Dəniz Ticarət Limanı” QSC ilə Qdansk Limanı arasında əməkdaşlıq haqqında Niyyət Məktubu imzalanıb.
Son Xəbərlər
- 1
- 2
- 3
- 4
- 5
- 6
