Rektor koronavirusa yoluxdu, Konservatoriyada dərslər dayandırıldı
Azərbaycan Milli Konservatoriyasında əyani dərslər dayandırılıb.
“Qafqazinfo” xəbər verir ki, buna səbəb təhsil müəssisəsinin rektoru, Xalq artisti Siyavuş Kəriminin koronavirusa yoluxmasıdır.
Rektordan əlavə, Konservatoriyanın iki əməkdaşında da “COVID-19” aşkarlanıb.
Qurumun Mətbuat xidmətinin rəhbəri Anar Bəylərov məlumatı “Qafqazinfo”ya təsdiqləyib. O qeyd edib ki, virusa yoluxan üç şəxs rektor, Tədris şöbəsinin əməkdaşı və inzibatı işçidir.
A. Bəylərovun sözlərinə görə, tələbələr bu gündən etibarən distant tədrisə keçiblər: “Əyani təhsil 14 gündən sonra bərpa edilə bilər. Bununla bağlı qərar mövcud vəziyyətə görə veriləcək”.
Son Xəbərlər
- 1
- 2
- 3
- 4
- 5
- 6
