RenTV-nin əməkdaşı İstanbulda yoxa çıxıb
Rusiyanın RenTV telekanalının əməkdaşı Valentin Truşnin İstanbul hava limanında saxlanılıb.
“Qafqazinfo” Virtualaz.org-a istinadən xəbər verir ki, bu barədə sözügedən telekanalın saytında bildirilir.
Jurnalist Türkiyəyə baş tutmamış dövlət çevrilişi barədə reportaj hazırlamaq üçün ezam olunmuşdu.
RenTV-nin çəkiliş qrupu sərhəddə iyulun 18-i səhər vaxtı saxlanılıb. Valentin Truşnin redaksiyaya saxlanmaları, axtarış aparıldığı və sənədlərinin götürülməsi barədə məlumat ötürməyə imkan tapıb. O vaxtdan bəri 10 saatdır ki, jurnalistlə əlaqə yoxdur.
Telekanal Türkiyədəki Rusiya səfirliyinə, həmçinin Xarici İşlər Nazirliyinə müraciət edib. Diplomatlar Valentin Truşninin yerini müəyyənləşdirməyə çalışırlar.
Son Xəbərlər
- 1
- 2
- 3
- 4
- 5
- 6
