Ruhani istefa verib?
KİV və sosial şəbəkələrdə İran Prezidenti Həsən Ruhaninin istefa verdiyinə dair məlumat yayılıb.
“Qafqazinfo”nun “İnterfaks”a istinadən verdiyi xəbərə görə, bu məqamda İran hökumətinin rəsmi nümayəndəsi və Ruhaninin köməkçisi Əli Rabii açıqlama yayaraq məlumatı təkzib edib.
“Ruhani öz prezidentliyinin sonuna qədər ölkəmizlə qalacaq”, -deyə Rabii bildirib.
Həmçinin o, gələcəkdə yayılacaq buna oxşar məlumatları əvvəlcədən rədd etdiyini vurğulayıb.
Qeyd edək ki, “Al Monitor” nəşri yazır ki, Həsən Ruhaninin istefası barədə informasiyalar uzun zamandır ölkədə yayılıb. Belə ki, ötən ilin noyabrında yanacaq qiymətinin artması ilə əlaqədar kütləvi etiraz aksiyaları fonunda islahatçı siyasətçilərdən biri olan Abbas Abdi ölkədə sabitliyi bərpa etmək üçün prezidenti istefaya və erkən prezident seçkilərini təşkil etməyə dəvət edib. Dekabrda parlamentin növbəti maliyyə ili üçün təklif olunan büdcə layihəsini qəbul etmədiyi təqdirdə Ruhaninin bu il mart ayından öncə vəzifəsini tərk edə biləcəyi barədə şayiələr yayılıb. Onun istefası barədə şayiələr bu həftə İranda daha geniş yayılmağa başlayıb.
Son Xəbərlər
- 1
- 2
- 3
- 4
- 5
- 6
