Rusiya MN-dən Türkiyə hərbçilərinin öldürülməsi ilə bağlı açıqlama
“Suriya hökumət qüvvələri İdlib de-eskalasiya zonasını atəşə tutan zaman türk ordusunun orada olduğu məlum olmayıb”.
“Qafqazinfo” xəbər verir ki, bu barədə Rusiya Müdafiə Nazirliyinin bəyanatında bildirilir.
Qeyd olunur ki, fevralın 27-si “Həyat Təhrir əş-Şam” terror qruplaşmasının yaraqlıları Behun ərazisindəki Suriya ordusuna hücum ediblər.
“Suriya qoşunlarının cavab olaraq endirdiyi zərbələrə terrorçularla birgə, türk əsgərləri də tuş gəlib”, - deyə Müdafiə Nazirliyinin açıqlamasında vurğulanıb.
Xatırladaq ki, fevralın 27-si Suriyada rejim qüvvələrinin İdlibə zərbələri nəticəsində Türkiyə ordusunun 33 əsgəri şəhid olub.
Orxan Məmməd
Son Xəbərlər
- 1
- 2
- 3
- 4
- 5
- 6
