Rusiya Polşanın 5 diplomatını “arzuolunmaz şəxs” elan etdi

Rusiya Polşanın 5 diplomatını “arzuolunmaz şəxs” elan etdi
Oxunma sayı: 635

Polşanın Rusiyadakı səfirliyinin beş əməkdaşı “persona non grata” elan edilib.

“Qafqazinfo” xəbər verir ki, bu barədə Rusiya Xarici İşlər Nazirliyi məlumat yayıb.

Onlar Rusiya ərazisini 15 may 2021-ci il tarixinə qədər tərk etməlidirlər.

Xarici İşlər Nazirliyinin mesajında ​​bu qərarın qarşılıqlı davranış prinsipi əsasında və Polşanın rus diplomatlarını qovaraq törətdiyi təxribat hərəkətlərinə cavab olaraq verildiyi vurğulanıb.

XİN qeyd edib ki, bundan əvvəl Polşanın Moskvadakı səfiri Kşiştof Kraevski nazirliyə çağırılaraq ona Polşadakı Rusiya səfirliyinin üç əməkdaşının əsassız şəkildə “arzuolunmaz şəxs” elan edilməsi ilə bağlı qətiyyətli etiraz təqdim olunub.