11:05
Rusiya ordusu Ukrayna ərazisini yenidən raket atəşinə tutub.
“Qafqazinfo” Ukrayna mediasına istinadən xəbər verir ki, ölkənin Nikolayev, Kiyev, Dnepropetsovsk və Xerson vilayətlərində partlayışlar baş verib.
Həmçinin oxuyun: Муж ударил ножом жену на “восьмом” базаре
Həmçinin oxuyun: “Какова будет судьба людей, которые не могут получить “купчую”?”
Ölkənin bütün ərazisində hava hücumu təhlükəsi elan edilib. Bununla yanaşı, Odessa və Vinnitsa şəhərlərində də partlayışlar qeydə alınıb.
13:16
Kiyevin merin Vitaliy Kliçkonun məlumatına görə, raket hücumu nəticəsində Kiyevin Qoloseyevsk rayonunda 1 nəfər həlak olub, daha 2 nəfər isə yaralanıb.
İlkin məlumata görə, 55 yaşlı kişi zərərsizləşdirilən raketin bir hissəsinin yerə düşməsi nəticəsində həlak olub.
16:04
Ukrayna Silahlı Qüvvələrinin Baş komandanı Valeriy Zalujnıy bildirib ki, Rusiya bugünkü hücum zamanı Ukrayna ərazisinə 55 raket atıb.
Sözügedən raketlərdən 47-si zərərsizləşdirilib. Bununla yanaşı, 3 raket hədəfə çatmayıb. Bildirilir ki, Rusiya ordusu Ukraynaya “Kinjal” hipersəs raketləri, eləcə də “Tu-95”, “Su-35”, “MiQ-31K” təyyarələrində “X-101”, “X-555”, “X-47”, “Kalibr” və “X-59” raketləri atıb.
18:58
Ukrayna Fövqəladə Hallar üzrə Dövlət Xidməti Rusiyanın bugünkü hava hücumu zamanı ölən və yaralananların sayının artdığını vurğulayıb.
“Bu gün Rusiya Silahlı Qüvvələrinin həm PUA-lar, həm də raketlərlə həyata keçirdiyi hücumlar nəticəsində ölkənin 11 vilayətində 11 nəfər ölüb, 11 nəfər yaralanıb”, - deyə qeyd edilib.