Rusiyada koronavirusdan ilk ölüm baş verdi
Moskvada koronavirus diaqnozu qoyulan bir təqaüdçü yoluxucu xəstəliklər xəstəxanasında dünyasını dəyişib.
“Qafqazinfo” “Lenta.ru” informasiya agentliyinə istinadən xəbər verir ki, 79 yaşlı pasient ilk dəfə martın 13-ü səhhətində narahatlıq hiss edərək özəl xəstəxanaya müraciət edib. Daha sonra isə yoluxucu xəstəliklər xəstəxanasına yerləşdirilib. Testdən keçdikdən sonra onda koronavirus aşkarlanıb.
Pasientin COVİD-19-la yanaşı bir sıra digər xəstəliklərdən də əziyyət çəkdiyi məlum olub.
Xəstənin əlaqədə olduğu bütün insanlar tibbi müşahidə altında saxlanılır.
Qeyd edək ki, Rusiyada ölkə üzrə koronavirusa yoluxanların sayı 147-yə çatıb.
Son Xəbərlər
