Rusiyanın 29 bölgəsində son bir gündə 771 yeni koronavirusa yoluxma faktı qeydə alınıb.
“Qafqazinfo” “Lenta.ru”ya istinadən xəbər verir ki, son 24 saatda xəstəlik səbəbindən 6 nəfər həyatını itirib, 45 nəfər isə sağalıb.
Ən çox yoluxma faktı Moskva şəhərində (595) aşkarlanıb.
Bununla da Rusiyada koronavirusa yoluxanların ümumi sayı 76 bölgədə 3548-ə çatıb. Ümumilikdə 30 nəfər xəstəlik səbəbindən həyatını itirib, 235 nəfər isə sağalaraq evinə buraxılıb.