Rusiyada yaşayış binasında partlayış, 12 yaralı var - Yenilənib - Video
Rusiyanın Nijni Taqil şəhərində beşmərtəbəli yaşayış binasında partlayış baş verib.
“Qafqazinfo” TASS-a istinadən xəbər verir ki, hadisə nəticəsində xəsarət alanlar var.
Bildirilir ki, 1971-ci ildə tikilən binanın bir hissəsi tamamilə dağılıb. Hazırda Fövqəladə Hallar Nazirliyinin əməkdaşları hadisə yerindədir.
İlkin məlumata görə, hadisəyə qaz balonunun partlaması səbəb olub.
***
Dağıntılar altından 3 nəfər xilas edilib.
Hadisə yerinə havadan xilasetmə qrupu göndərilib.
***
Nijni Taqildə fövqəladə vəziyyət elan edilib.
***
Partlayış nəticəsində 5 nəfər xəstəxanaya yerləşdirilib, onlardan üçü uşaqdır.
***
Dağıntılar altında 3 nəfərin axtarışları davam etdirilir.
***
Yaralı şəxslərin sayı 7-yə çatıb, onlardan 5-i azyaşlıdır.
***
Fövqəladə Hallar Nazirliyinin məlumatına görə, 4-ü uşaq olmaqla 8 nəfər xəsarət alıb.
***
Yaralıların sayı 12 nəfərə yüksəlib, onlardan 6-sı uşaqdır.
Son Xəbərlər
- 1
- 2
- 3
- 4
- 5
- 6
