Ruslan Abışovdan etiraf - “Hakim bizə kömək etdi”
“Reallıq budur ki, oyunun sonlarında bizə köməyi bir az hiss olunurdu. Amma bir şeyi də unutmayaq: Kamerunla oyunda penaltimiz verilmədi. Bugünkü penalti epizodunu onunla müqayisə etmək olar” .
Bu sözləri IV İslam Həmrəyliyi Oyunlarında iştirak edən 23 yaşadək futbolçulardan ibarət Azərbaycan milli komandasının kapitanı Ruslan Abışov deyib.
“Qafqazinfo” xəbər verir ki, Mərakeş yığması ilə 0:0 hesablı heç-heçə etdikləri A qrupunun 3-cü tur matçından sonra müdafiəçi oyunu şərh edib. Ruslan hakim köməyinə belə haqq qazandırıb: “Artıq oyun qurtarıb. Həmişə bizim idmançıları səfər oyunlarında sıxıblar. Daim belə hallardan şikayətlənmişik. Qoy, indi də öz idmançılarımızı dəstəkləsinlər ki, biz də uğur qazanaq. Əslində, referi o qədər də kömək etmədi. Lakin bir-iki epizod vardı ki, lehimizə qərar verdi”.
Son Xəbərlər
- 1
- 2
- 3
- 4
- 5
- 6
