Rza Zərrab Əl-Qaidə üzvləri, mafiya başçıları ilə birgə saxlanılır
Azərbaycan əsilli türkiyəli iş adamı Rza Zərrab narkotik alverçiləri və terrorçuların saxlanıldığı həbsxanaya yerləşdirilib.
“Qafqazinfo” xəbər verir ki, bu gün məhkəməsi keçirilən Zərrab artıq Nyu-Yorka gətilirib. O, şəhərin mərkəzindəki “Metropolitan Correction Center” həbsxanasına yerləşdirilib. Zərrabın olduğu təcridxanada Əl-Qaidə üzvləri, narkotik alverilə məşğul olan mafiya başçılarının olduğu deyilir.
Xatırladaq ki, Rza Zərrabın məhkəməsi bu gün Nyu-York vaxtilə saat 10:00-da baş tutacaq. O, İrana qarşı tətbiq edilmiş sanksiyaları pozmaqda, İran hakimiyyətinə aid pulların yuyulmasını təşkil etməkdə və digər iqtisadi cinayətlərdə ittiham olunur.
Son Xəbərlər
