“Saakaşvili olan yerdə sirk yaranır” - Peskov

saakasvili-olan-yerde-sirk-yaranir
Oxunma sayı: 1797

Rusiya Prezidentinin mətbuat katibi Dmitri Peskov Gürcüstanın keçmiş Prezidenti Mixail Saakaşvili ətrafında yaranmış vəziyyəti sirk adlandırıb.

“Qafqazinfo” xəbər verir ki, bu barədə məlumatı “RİA Novosti” yayıb.

“Kreml Gürcüstanda Saakaşvili səbəbindən sabitliyin pozulması üçün risklərin olduğunu düşünmür. Bu cənab hardadırsa, orada sirk yaranır. Əsas odur ki, bu, vətəndaşlar üçün risk yaratmasın”, - deyə Peskov qeyd edib.

Qeyd edək ki, Mixail Saakaşvili bu gün səhər saatlarında öz feysbuk hesabında Gürcüstana qayıtması və hazırda Batumi şəhərində olması barədə məlumat paylaşıb. O, daha əvvəl də oktyabr ayında keçiriləcək yerli özünüidarəetmə orqanlarına seçkilər zamanı ölkəyə qayıtmaq istədiyini elan etmişdi.

Ölkə rəhbərliyi Saakaşvilinin Gürcüstanda olması xəbərini feyk adlandırıb. Daxili İşlər Nazirliyi isə qeyd edib ki, o, rəsmi qaydada dövlət sərhədini keçməyib.

Xatırladaq ki, Gürcüstanın keçmiş Prezidenti ölkədaxili axtarışa verilib və barəsində bir neçə cinayət işi açılıb. Ölkə rəhbərliyi dəfələrlə bəyan edib ki, Saakaşvili dövlət sərhədini keçdiyi an onu saxlayacaqlar.