Sabir Rüstəmxanlıdan DAK-la bağlı ittihamlara - - Sərt cavab
S. Rüstəmxanlı “Qafqazinfo”ya açıqlamasında bildirib ki, Ə. Tağızadə qurultayda DAK-ın İdarə Heyəti üzvlüyündən çıxıb: “Onun bundan sonra DAK haqqında dediyi fikirlər ancaq birtərəfli və qərəzli olacaq. Əvvəllər DAK-ın onun üçün müqəddəs və böyük təşkilat olduğunu deyirdi. İndi isə, ayrı fikirlər deyir. Bu, qeyri-ciddi məsələdir. Əgər lazım olsa, qurumun Mətbuat Şurası ona cavab verər”.
Qeyd edək ki, Ə. Tağızadə “Yeni Müsavat” qəzetinə müsahibəsində DAK-ın sonuncu qurultayı ilə bağlı bir sıra ittihamlar səsləndirib. O qeyd edib ki, Sabir Rüstəmxanlı DAK-ı Azərbaycan Respublikasına köçürdü və burda dəfn elədilər: “DAK faktiki olaraq Güneyin problemlərindən uzaq, ölü bir quruma çevrilib. Hər kəsə bəllidir ki, Sabir Rüstəmxanlı əslində DAK-ın həmsədri olsa da, qurumun siyasətini tək müəyyən edir. Onun ətrafında cəmi 3 güneyli var. Qalan hamısı Güney məsələsindən xəbərsiz, bu məsələdə heç bir xidməti olmayan Quzeydən olan təsadüfi şəxslərdir. Onların vasitəsilə Sabir Rüstəmxanlı özünü dördüncü dəfədir həmsədr seçdirir".
Günel Türksoy
Son Xəbərlər
