Şadlıq evindən oğurluq etdi

Şadlıq evindən oğurluq etdi
Oxunma sayı: 1359

Oğuz rayonu Qumlaq kəndində yerləşən “Ülvi” şadlıq sarayından oğurluq edilib. Gecə saatlarında obyektə daxil olan naməlum şəxs oradan televizor, nasos, enerji və spirtli içkiləri, eləcə də kassada olan pulu oğurlayıb.

DİN-in Mətbuat Xidmətinin Şəki regional qrupundan “Qafqazinfo” verilən məlumata görə, keçirilmiş əməliyyat-axtarış tədbirləri nəticəsində cinayəti törədən şəxsin Şirvanlı kənd sakini, əvvəllər də məhkum olunmuş Rəhman Hümbətov olduğu müəyyən edilib və o, saxlanılaraq istintaqa təhvil verilib. R.Hümbətov hadisə zamanı sərxoş olduğunu bildirib və oğurladığı əşyaları yaşadığı ünvanda gizlətdiyini, pulu isə xərclədiyini etiraf edib.

Faktla bağlı araşdırma aparılır.