Şagirdlər ekskursiya etdilər
Nəsimi rayon İcra Hakimiyyəti tərəfindən Azərbaycan Milli Elmlər Akademiyası Dendrologiya İnstitutunun Dendroloji parkında təşkil edilən tədbirdə Nəsimi rayonunun məktəblərində təhsil alan aztəminatlı ailələrdən, təhsildə və idmanda fərqlənən məktəblilərin bir qrupu iştirak etmişdir.
“Qafqazinfo” xəbər verir ki, Nəsimi rayon İcra Hakimiyyəti Başçısının birinci müavini Gülarə Verdiyeva tədbirdə iştirak edən uşaqlara xoş istirahət arzu edib. Bildirib ki, ölkəmizdə dövlətin hüquq sisteminin əsasını təşkil edən Konstitusiya və qanunlarla uşaq hüquqlarına etibarlı təminat mexanizmləri yaradılıb. Məqsəd uşaqların layiqli, firavan yaşayış səviyyəsinin, təlim-tərbiyəsinin, təhsilinin,sosial müdafiəsinin, sağlamlığının yüksək səviyyədə təşkil edilməsidir.
Məktəblilər Sergey Yesenin adına Azərbaycan-Rus ədəbi əlaqələri Mərkəzində və Dendroloji parkda yetişdirilən çoxsaylı ağac, bitki və güllərlə yaxından tanış olublar.
Məktəblilər aksiyadan xüsusi zövq alıb, burada gözəl istirahət edib, əyləniblər. Tədbirdə uşaqlar birgə nahar ediblər.
Son Xəbərlər
