Sahil Babayev Xızıda vətəndaşları qəbul etdi - Fotolar

Sahil Babayev Xızıda vətəndaşları qəbul etdi
Oxunma sayı: 995

Əmək və əhalinin sosial müdafiəsi naziri Sahil Babayev Xızı rayonunda Xızı və Siyəzən rayonlarının sakinlərini fərdi qaydada qəbul edib.

“Qafqazinfo” xəbər verir ki, qəbuldan əvvəl S.Babayev və Xızı rayon İcra Hakimiyyətinin başçısı Xəzər Aslanov ümummilli liderimiz Heydər Əliyevin Xızı rayonundakı abidəsini ziyarət ediblər.

Vətəndaşlar qəbul zamanı mənzillə təminat, əlilliyin qiymətləndirilməsi, ünvanlı dövlət sosial yardımı və s. məsələlərlə bağlı müraciət ediblər.

Müraciət edən vətəndaşların bir hissəsi şəhid ailələrinin üzvləri və müharibə veteranları olub.

Qəbul zamanı müraciətlər araşdırılıb və aidiyyəti tədbirlər görülüb.