Sankt-Peterburqda Rabitə Akademiyasında partlayış - Yaralılar var+Yenilənib
Rusiyanın Sankt-Peterburq şəhərinin Tixoretski prospektində yerləşən Budyonnıy Rabitə Akademiyasında partlayış baş verib.
“Qafqazinfo” xəbər verir ki, bu barədə “Baza” teleqram kanalı məlumat yayıb.
İlkin məlumata görə, hadisə nəticəsində 7 nəfər xəsarət alıb. Onlardan ikisinin vəziyyəti ağırdır. Hazırda partlayış yerində təcili yardım xidmətləri işləyir.
Akademiyaya pilotsuz təyyarə ilə hücum edildiyi iddia edilir. Bu məlumat hələ ki, rəsmi təsdiqini tapmayıb.
***
Hadisə ilə bağlı Sankt-Peterburq qubernatoru Aleksandr Beqlov məlumat yayıb.
“Akademiyada baş verən insident terror xarakteri daşımır və Rusiya Müdafiə Nazirliyinin məsuliyyət dairəsinə daxildir. Səbəbləri mütəxəssislər müəyyənləşdirir. Zərərçəkənlərə yardım edilir”, - deyə şəhər rəhbəri vurğulayıb.
Beqlov medianı və Sankt-Peterburq sakinlərini yalnız rəsmi məlumatlara etibar etməyə və yoxlanılmamış məlumatları yaymamağa çağırıb.
Son Xəbərlər
- 1
- 2
- 3
- 4
- 5
- 6
