“Səbail” hakim otağının gec təmizlənməsinə görə cəzalandı

“Səbail” hakim otağının gec təmizlənməsinə görə cəzalandı
Oxunma sayı: 1049

AFFA İntizam Komitəsi “Səbail” klubunu cərimələyib.

“Qafqazinfo” xəbər verir ki, buna paytaxt təmsilçisinin əvəzedici komandasının "Qarabağ-2" ilə görüşündə baş verənlər səbəb olub.

“Dənizçilər” hakimlər otağında məşqçisinin oturmasına və yalnız ədalət təmsilçilərinin gəlişindən sonra çıxmasına görə otağın təmizlənməsini bir neçə dəqiqə gözlətdiyi üçün 80 manat ödəyəcək.

Komitə bundan əlavə, "Kəpəz-2"nin məşqçisi Orxan Verdiyevə 5 oyunluq cəza verib. Mütəxəssis MOİK-lə qarşılaşmada hakimlərə qarşı təhqiredici sözlər işlətdiyi üçün cəzalanıb. Gəncə təmsilçisi bunun üçün 400 manat ödəyəcək.