Səbaildə sakinlərin təklif və müraciətləri dinlənilib
Səbaildə “Əhali ilə aktiv görüşlər aylığına” start verilib.
“Qafqazinfo” xəbər verir ki, görüşlərin əsas məqsədi vətəndaşların müraciətlərini dinləmək, irəli sürülən təklif və arzuların həyata keçirilməsidir.
İlk görüş rayonun Bayıl-20-ci yaşayış sahəsində yaşayan sakinlər üçün keçirilib. Görüşdə icra başçısının müavini Eldar Ağayev qeyd edib ki, son vaxtlarda 2 saylı SİƏD-in ərazisində yeni “Abad məhəllə” salınmış, I Buxta küçəsi 39 unvanında yerləşən qəzalı binada yaşayan ailələrin köçürülməsi ilə bağlı tədbirlər həyata keçirilib:
“Hazırda 157 saylı uşaq bağçasının sökülərək yenidən tikintisi və Əhəd Yaqubov küçəsində 1,5 ha sahədə yeni istirahət parkının salınması, 6 ünvanda mövcud köhnə tikililərin yerində müasir çoxmərtəbəli binaların inşası aparılır”.
Sakinlər çıxışlarında onları narahat edən məsələlər barədə məlumat veriblər.
Son Xəbərlər
- 1
- 2
- 3
- 4
- 5
- 6
