“Səbail” klubunun sponsoru olan “Azərbaycan Xəzər Dəniz Gəmiçiliyi” QSC (ASCO) Dövlət Dəniz Akademiyasınınn yataqxanasından tələbələri çıxararaq ora futbolçuları yerləşdirib.

“Qafqazinfo” aut.az-a istinadən xəbər verir ki, bəzi legioner və uşaq futbol akademiyasının oyunçuları hazırda orada yaşayır. Yalnız orada tələbə qızlar üçün 3 otaq ayrılıb.

ASCO-nun Mətbuat xidmətindən “Qafqazinfo”ya bildirilib ki, tələbələrin yay tətili zamanı yataqxanaya bir neçə uşaq futbolçu yerləşdirilib: “Bəzi KİV-də “Azərbaycan Xəzər Dəniz Gəmiçiliyi” QSC-nin Azərbaycan Dövlət Dəniz Akademiyasınınn yataqxanasından oğlan tələbələrin hamısının  çıxarılması, otaqların isə “Səbail” Futbol Klubunun legioner üzvlərinə verilməsi haqqında məlumat yer alıb.

ASCO olaraq bildiririk ki, oğlan tələbələrin hamısının yataqxanadan çıxrarılması haqqında yazılanlar həqiqəti əks etdirmir. Qeyd edək ki, yataqxana 312 yerlikdir. Hazırda yataqxanada 292 nəfər tələbə yaşayır. Yay aylarında isə dərs olmadığı müddətdə adıçəkilən klubun legioner oyunçuları yox, 20 nəfər uşaq futbol klubunun üzvləri  burada müvəqqəti yerləşdirilib. Yeni tədris ilinin başlanması ilə əlaqədar rəhbərliyin tapşırığına uyğun olaraq komanda üzvlərinin  yataqxanadan çıxarılması prosesinə başlanılıb. Yaxın günlərdə 20 yerə də müraciətlərə uyğun tələbələr yerləşdirilcək”.