Səfər Mehdiyev səfirlə görüşdü

Səfər Mehdiyev səfirlə görüşdü
Oxunma sayı: 506

Oktyabrın 16-da Dövlət Gömrük Komitəsinin sədri, gömrük xidməti general-leytenantı Səfər Mehdiyev İsveçrənin Azərbaycandakı fövqəladə və səlahiyyətli səfiri xanım Müriel Peneveyre ilə görüşüb.

“Qafqazinfo“ya daxil olan məlumata görə, sədr Səfər Mehdiyev Azərbaycanla İsveçrə arasında qarşılıqı faydalı əməkdaşlıq münasibətlərinin səviyyəsindən məmnunluğunu ifadə edib, əlaqələrin gələcəkdə daha da intensivləşəcəyinə ümidvar olduğunu bildirib.

DGK sədri Azərbaycan Prezidenti İlham Əliyevin rəhbərliyi ilə həyata keçirilən islahatlar çərçivəsində gömrük orqanlarında daha çevik və modern idarəçilik metodlarının tətbiq edildiyini, beynəlxalq ticarətin asan və sürətli şəkildə reallaşdırılması, vətəndaşların maksimum dərəcədə məmnuniyyətinin təmin olunması üçün yeni layihələrin icra olunduğunu bildirib.

Komitə sədri, həmçinin elektron xidmətlərin səviyyəsinin yüksəldilməsi, ticarətin daha da asanlaşdırılması istiqamətində həyata keçirilən tədbirlərdən bəhs edib, qanunvericiliyə riayət edən xarici ticarət iştirakçılarına daha əlverişli şərait yaratmaq üçün cari ilin fevral ayından tətbiqinə başlanılan "Yaşıl dəhliz" buraxılış sisteminin əhəmiyyətindən danışıb və vurğulayıb ki, bu gün gömrük sistemində maksimum şəffaflıq təmin edilir, korrupsiya hallarına qarşı ciddi mübarizə aparılır.

Səfir Müriel Peneveyre Azərbaycanda fəaliyyət göstərməsindən məmnunluğunu ifadə edərək iki ölkə arasında iqtisadi, siyasi, mədəni əlaqələrin hazırkı durumunu yüksək qiymətləndirib, İsveçrənin bütün sahələrdə, o cümlədən gömrük işində Azərbaycanla əməkdaşlığı inkişaf etdirməkdə maraqlı olduğunu bildirib.


Daha tez məlumatlanmaq üçün yeni Facebook səhifəmizi