Şəhidin 5 yaşlı övladı faciəvi şəkildə vəfat etdi - Foto

Şəhidin 5 yaşlı övladı faciəvi şəkildə vəfat etdi
Oxunma sayı: 10026

Gəncədə 5 yaşlı uşaq bədbəxt hadisə nəticəsində ölüb.

"Qafqazinfo" xəbər verir ki, ötən axşam şəhər sakini 2017-ci il təvəllüdlü H.Cəfərlinin boğazında şokolad kağızı qalıb. O, təcili xəstəxanaya çatdırılıb. Həkimlərin səylərinə baxmayaraq, onun həyatını xilas etmək mümkün olmayıb. Müayinə zamanı məlum olub ki, yad cisim azyaşlının nəfəs borusuna düşüb və o nəfəs ala bilmədiyi üçün həyatını itirib.

Qeyd edək ki, H.Cəfərli Vətən Müharibəsi şəhidi Həmid Cəfərlinin övladıdır.

Faktla bağlı araşdırma aparılır.

Qeyd edək ki, Həmid Cəfərli 2020-ci il oktyabrın 5-də Füzuli döyüşləri zamanı şəhid olub. II Fəxri Xiyabanda dəfn olunub. İxtisasca kəşfiyyatçı olan H.Cəfərli "Vətən uğrunda", "Füzulinin azad olunmasına görə" və "Xocavəndin azad olunmasına görə" medalları ilə təltif edilib.

***

Şəhidin övladlarının fotosunu AYB - nin üzvü Cəlal Qurbanov paylaşıb. O qeyd edib ki, vəfat edən uşaq şəhidin 2-ci övladı olub.