Şəkidə məktəblini maşın vurdu
Şəkidə məktəbdən qayıdan oğlanı avtomobil vurub.
"Qafqazinfo" xəbər verir ki, hadisə bu gün günorta saatlarında baş verib. Belə ki, Şəki sakini, 2011-ci il təvəllüdlü Mehdiyev Aslan Novruz oğlu məktəbdən evə qayıdarkən yolu kecmək istəyib, bu zaman onu avtomobil vurub. Yaralı Şəki Rayon Mərkəzi Xəstəxanasına aparılıb. Xəstəxanada A.Mehdiyevə kəllə-beyin travması və sağ körpücük sümüyünün sınığı diaqnozu qoyulub. Xəstənin vəziyyəti nəzərə alınaraq, həkimlər onu Gəncə şəhər xəstəxanasına göndəriblər.
Faktla bağlı araşdırma aparılır.
Mübariz Muradov
Son Xəbərlər
