Şengen vizası ilə bağlı yenilik
Avropa Parlamenti Avropa Birliyi ölkələrinə vizasız səyahəti nəzərdə tutan 60-dan çox ölkə vətəndaşının qabaqcadan qeydiyyata alınması ilə bağlı qərarı təsdiqləyib.
"Qafqazinfo" xarici KİV-ə istinadən xəbər verir ki, bundan sonra Şengen vizasına sahib olan vətəndaşlar məcburi şəkildə internet üzərindən qeydiyyatdan keçməldirlər.
Səyahətdən əvvəl hər kəs doğum günü, cinsiyyəti, haqqında cinayət işi olub-olmaması ilə bağlı məlumatı əks etdirən sənədi doldurmalıdır. Sistemdə qeydiyyat 7 avroya başa gələcək. Sənədlər 3 il və ya vizanın istifadə müddəti ərzində yararlı olacaq, 18 yaşdan kiçik, 70 yaşdan böyük şəxslər isə heç bir rüsum ödəməyəcək.
Qanun AB-nin Nazirlər Şurası tərəfindən imzalandıqdan və rəsmi qəzetdə yayımlandıqdan sonra ən gec 2021-ci ildə qüvvəyə minəcək.
Son Xəbərlər
- 1
- 2
- 3
- 4
- 5
- 6
