Şenol Günəşdən “Neftçi” açıqlaması
“Beşiktaş”ın baş məşqçisi Şenol Günəş Konfrans Liqasının 2-ci təsnifat mərhələsinin “Tirana” ilə (2:0, ilk oyun - 3:1) oyundan sonra üçüncü təsnifat mərhələsindəki rəqibləri olan “Neftçi” haqda danışıb.
“Qafqazinfo” “Sabah”a istinadən xəbər verir ki, türkiyəli mütəxəssis həmin görüşlərə daha yaxşı hazırlaşmalı olduqlarını bildirib:
“Mövsümün əvvəlidir. Ona görə də hələ ki, oyunçular ideal formadan uzaqdırlar. Amma zaman keçdikcə daha yaxşı alınacaq. Zədəlilər qayıtdıqdan sonra biz indikindən qat-qat güclü olacağıq. Qarşıda bizi “Neftçi” ilə matçlar gözləyir. Daha yaxşı formada olmalıyıq. Daha yaxşı hazırlaşmalıyıq”.
“Neftçi” avqustun 10-da İstanbulda “Beşiktaş”ın qonağı olacaq. Cavab görüşü isə avqustun 17-də Bakıda baş tutacaq.
Son Xəbərlər
- 1
- 2
- 3
- 4
- 5
- 6
