Sərnişinin ölümünə səbəb olan sürücüyə 6 il həbs verildi
Bakı Ağır Cinayətlər Məhkəməsində ölümlə nəticələn yol qəzası törətməkdə təqsirləndirilən Fərhad Quliyevə hökm oxunub.
"Qafqazinfo"nun verdiyi xəbərə görə, hakim Eldar Mikayılovun icraatında olan prosesdə məhkəmə kollegiyasının hökmü ilə F. Quliyev 6 il müddətinə azadlıqdan məhrum edilib. O, istintaq dövründə azadlıqda olduğu üçün məhkəmə zalında həbs olunub.
İttihama görə, F. Quliyev 2017-ci il noyabrın 10-da Siyəzən rayonu ərazisində olarkən idarə etdiyi “VAZ-21074” markalı avtomobili yol ayırıcısına vurub. Nəticədə sərnişini, Quba rayon sakini Elman Rəhimov vəfat edib.
Murad Əhməd
Son Xəbərlər
- 1
- 2
- 3
- 4
- 5
- 6
