“Səudiyyə İrandakı terrorçulara yardım edir” - İran XİN-i
İranın XİN rəhbəri Məhəmməd Cavad Zərif Səudiyyə Ərəbistanını İranın şərqində yerləşən terrorçulara dəstək verməkdə ittiham edib.
“Qafqazinfo” xarici KİV-ə istinadən xəbər verir ki, bu barədə Zərif Osloda keçirilən mətbuat konfransında çıxışında deyib:
“Bizim əlimizdə olan kəşfiyyat məlumatlarına əsasən, Səudiyyə Ərəbistanı İranın şərq hissəsində, Bəlucistanda aktiv şəkildə terror qruplaşmalarına yardım edir”.
Xatırladaq ki, iyunun 7-də 4 nəfərdən ibarət terror qrupu qadın paltarında İran parlamentinin binasına atəş açmışdı. Daha sonra onlardan biri intihar etmişdi.
Qeyd edək ki, Ər-Riyadla Tehran arasında ötən ilin dekabrından diplomatik əlaqələr kəsilib.
Son Xəbərlər
