Şeyx Portuqaliya və Braziliyaya gedir
Qafqaz Müsəlmanları İdarəsinin sədri Şeyxülislam Allahşükür Paşazadə avqustun 16-sı Portuqaliyaya yola düşür.
“Qafqazinfo” xəbər verir ki, QMİ sədri Direktorlar Şurasının üzvü olduğu KAİSİİD Beynəlxalq Dialoq və Əməkdaşlıq Mərkəzinin Lissabon şəhərindəki mənzil-qərargahında qurumun üzvləri ilə görüşəcək.
O, avqustun 18-də isə Braziliyaya səfər edəcək. Səfərdə məqsəd Braziliyanın paytaxtı Brasilia şəhərində 19-22 avqust tarixlərində keçiriləcək G20 Dinlərarası Forumunda iştirak etməkdir.
Səfər G20 Dinlərarası Forum Assosiasiyasının prezidenti Kol Durhamın dəvəti əsasında həyata keçirilir.
“Heç kimi unutmayın: insanlar və planet üçün tərəfdaşlıq” mövzusunda keçiriləcək bu ilki forumda dini müstəvidə qlobal debatlarda A.Paşazadə çıxış edəcək.
Son Xəbərlər
- 1
- 2
- 3
- 4
- 5
- 6
